Gipailawom sa ‘due process’ ingon man committee hearing sa Land Transportation Franchising and Regulatory Board (LTFRB) ang mga hangyo ilabi na sa pagpa-usbaw sa pletehan.
Kini subay sa pag-apruba sa dugang P2 sa pletehan sa mga jeepneys didto sa kaulohan nga mamahimong epektibo sa bulan sa Nobyembre.
Sa interview sa RMN Malaybalay ngadto kang Land Transportation Franchising and Regulatory Board kon LFTRB Regional Director Allan Guro, gibutyag niini nga wala pay kamanduan sa pagtaas sa pletehan sa rehiyon 10.
Gipaabot matud pa nila ang nga desisyon sa ilang head office sa iyang giduso nga public consultation kalabot sa mao nga hisgutanan.
Samtang nagpahimangno usab ang LTFRB nga dili mamahimong maniningil ang mga drivers ug conductor lapas sa kasamtangang taripang gisunod niini.
Una nang gi-angkon sa Solidarity of Transport Alliance in Northern Mindanao-Pinagkaisang Samahan ng mga Tsuper at Operator Nationwide (*Starex* *-**Piston**)* nga apektado na ang ilang kita tungod sa kamahal sa presyo sa krudo ug gasolina.
Sa interview sa RMN ngadto kang Ringo Lago, ang secretary general sa STAREX Piston gibutyag ninii nga sukad matud pa kaniadtong bulan sa Enero ning tuiga hangtod karon anaa na sa 10 pesos kapin kon kulang ang pagtaas sa presyo sa gasoline.
Dako matud pa ug epekto sa pagtaas sa presyo sa krudo ug gasolina ang gipatong nga excise tax sa produktong petrolyo.
