Bukidnon – Gisiguro karon sa Land Transportation Franchising and Regulatory Board kon LTFRB Region 10 ang tabang ngadto sa pamilya sa mga namatay ug nasamdan human na-aksidenteng ang gisakyanan nining jeep human nawad-an ug preno sa lungsod sa Quezon, Bukidnon.
Nasayran nga nisaka na sa 3 ang namatay gikan sa 17 ka pasaherong nasamdan sa mao nga disgrasya.
Sa interview sa RMN Malaybalay ngadto kang Regional Director Allan Guro sa LTFRB 10 gibutyag niini nga iyang nasuta nga adunay balidong prangkisa ang mao nga nadisrasyang jeep.
Matud ni Guro nga miyembro pa sa BUKTRAMCO ang tag-iya sa jeep nga mao si Ian Tacbobo.
Unang lakang matud pa nga ilang himoon mao nga isyuhan ug show cause order ang mao nga tag-iya aron ma-esplikar ang hinungdan sa aksidente.
Gimanduan na usab daw niya si Tacbobo nga muhimo ug diha diha nga tabang nga medical assistance sa mga nasamdan.
Gidugang niini nga adunay madawat nga 200,000 ka pesos ang matag pamilya sa mga namatay samtang adunay usay medicial reimbursement sa mga nasamdan ug hatagan nila sa 15,000 kapin kon kulang kada usa.
Gipahayag usab ni Guro nga mao kini ang bentaha kung adunay prangkisa ang usa ka PUV tungod kay adunay mahatagan nga tabang ang buhatan.