Davao City – Pormal nga gi-instalar karong adlawa, June 24, sabay sa Turn-Over Ceremony ang bag-ong Director sa Regional Franchising and Regulatory Office (RFRO) 11 nga si Atty. Armand B. Dioso.
Kini gipangulohan mismo ni Land Transportation and Regulatory Board (LTFRB) Chairman Atty. Martin Delgra III.
Gihagit niini si Dioso nga ipadayon ang mga plano sa gisugdan pa ni kanhi Mayor sa Davao ug karon Presidente Rodrigo Duterte partikular ang PUV modernization.
Gi awhag usab niini ang mga operators and stakeholders nga makighiusa sa pag duso niini ug mapatuman atol sa kasamtangang administrasyon.
Gawas niini, gitambagan ni Delgra si Dioso nga tutukan ang proyekto usab ni Davao City Mayor Sara Duterte-Carpio nga High Priority Bus System.
Positibong gidawat usab sa bag-ong Regional Director ang maong hagit ug misaad sa corruption free nga pagpanerbisyo ingon man pagsunod sa mga mandato sa maong opisina.
Una giproklama isip bag-ong Regional Director, na-assign si Dioso sa Department of Justice (DOJ) Prosecutor’s Office sa Davao Oriental.
Kahinumdoman nga Oktubre 2, 2018 miretiro si kanhi Regional Director Atty. Teresita Acaylar diin nahimong Office-in-Charge si Atty. Cattleya Acaylar sulod sa siyam ka bulan.
Si Acaylar mamahimong hearing officer sa LTFRB-XI samtang nanerbisyo isip Prosecutor sa Davao oriental si Dioso una kini mabutang sa posisyon.
Ang Regional Franchising and Regulatory Offices nagapatuman sa mga naaprubahang polisiya, plano ug programa, balaud ug regulasyon sa Board sa lebel sa Rehiyon.
RadyoMaN Jason Amisola
