Former police officer ginpamumusil, patay

1240

TACLOBAN CITY – Patay an usa nga former PNP personnel matapos pusilon ha Purok 3, Brgy. Marcedes, Catbalogan City, Samar samtang hiya in nagmamaneho han iya motorsiklo kanina han alas 8:00 han aga, June 24.

Ginkilala an biktima nga hi dismissed PO3. Roy Machate Bagunsan. Hiya in ginpamumusil han diri pa nakikilala nga mga suspects samtang hiya in nagmamaneho han iya single nga motorsiklo.


Basi han mga nakakita, sakay hin black toyota fortuner nga sarakyan an mga suspects ngan nagpaka sul-ot hin bonnet.

Dayon naman daw ini hira kumalagiw matapos mabuhat an krimen.

Sumala PBGen. Ariel Arcinas Deputy Regional Director for Administration han Police Regional Office 8, hi Bagunsan in na dismiss ha serbisyo dida han tuig 2016 ha kaso nga grave misconduct ngan pagtalapas han RA 9165.

Ginkikita pa yana han mga kapulisan kun may kalabutan ha pagtaga-illegal nga droga an krimen.

Padayon naman an gindudumara nga imbistigasyon han Catbalogan PNP agud maaresto an nagpapaluyo han insidente.

Facebook Comments

From Advertisers