Davao City – Padayong ginagukod sa Land Transportation and Franchising Regulatory Board (LTFRB) Region XI ang mga kolorum o walay saktong dokumentos nga mga gabyaheng vans dinhi sa Davao Region.
Sumala ni Mizarah Arraz, LTFRB 11 Admin Officer dinhi sa Davao Region aduna silay namonitor nga 29 ka mga kolorum nga vans ug pito niini ang ilaha ng malampusong naaresto sukad niadtong Enero ning tuiga.
Sagad sa ilahang nadakpan mga pribado nga sakyanan nga ginahimong pampasaheruan ug gawas sa Davao ang mga ruta niini.
Ang mga madakpang kolorum nga UV express adunay multa nga P200,000, P50,000 sa PUJ, P120,000 sa taxi samtang P1 million ang multa sa madakpan nga PUV ug mga bus.
Sukad niadtong 2017 musumada na sa 180 ka mga kolorum vans ang ilahang nadakpan.
RadyoMaN Aimee Guinita
Facebook Comments
