Sayong mamutang ugmang adlawa ug tarpaulin ang mga personnel sa Land Transportation Franchising and Regulatory Board-7 sa mga establisamento ug ubang pribadong mga dapit nga posibling adtoan sa mga nagminahalay atol sa kasaulogan sa Valentine`s day ugmang adlawa .
Si Jun Tumulak sa LTFRB-7 namahayag nga sumpay ra kini sa ilang tibook tuig nga “Oplan Isnabero” batok sa mga taxi drivers nga paugat , apan ilang gipahaum lang sa kasaulogan sa adlaw sa kasing kasing ugmang adlawa .
Target niini kadtong mga taxi driver nga manglubag o mag-overcharging sa ilang mga pasahero ilabi na ug padung o gikan sa mga hotel , motel , resort ug ubang pribado nga mga lugar .
Pasidaan sa LTFRB-7 nga dagku kaayo ang multa nga magpaabot sa malapasong mga taxi driver .
Gawas sa overcharging , ibutang usab nila sa tarpaulin ang ubang kalapasan sama sa pagdrive ug kolorom nga sakyanan ug di pagpakita ug maayong pamatasan ngadto sa mga pasahero .
