General Santos City–Nagsugod na sa pagpanghatag ug special permit ang Land Transportation Franchising and Regulatory Board kon LTFRB alang sa mga depampasaheruan nga sakyanan human nga nag-abli na ang mga Provincial ug City Border sulod sa Rehiyon 12.
Sumala kang Retired Col. Reynato Padua, Regional Director sa LTFRB 12 nga point to point kon terminal to terminal ang mga special permit nga gihatag kung asa ang ruta ang magadepende sa gi-aplayan sa kooperatiba.
Mamahimo lang matud pa nga maghunong ang mga bus ug van higayon nga adunay emergency ug checkpoint.
Dugang pamahayag ni LTFRB Director Padua nga anaa sa 15 ka adlaw ang validation sa special permit nga ilahang gihatag sa tanang nag-apply kung asa giklaro niya nga libre ang pag-apply sa special permit.
Samtang ang pamasahe, kini matud pa ang adunay taripa ug gibasehan nila ang taripa gikan sa pinakamahal nga pamasahe sa tibuok nasud ayha miigo ang covid-19.
Nakabutang usab ang pamasahe sa mga special permit sa mga sakyanan rason nga dili pwedeng maningil ug mas mahal ang mga operator o mga konduktor.(LVR)
