Davao City – Nangayo’g dispensa karon ang Land Transportation Franchising and Regulatory Board (LTFRB-XI) ngadto sa tanang pasaherong natanggong atol sa gipahigayong diyalogo sa mga PUJ drivers sa Bunawan, ning syudad.
Matud ni LTFRB-XI Regional Director Atty. Armand Dioso, aduna unom ka mga augmentation buses nga giplastada sa usa ka bus company apan nangadaut ang maong mga units.
Mokabat sa 2,000 ka mga drivers ug operators nga apektado sa High Priority Bus System (HPBS) nitambong sa konsultasyon aron diskutihan ang mga programa ug ayuda sa gobyerno sa transport modernization program niini.
Subay sa nakitang problema sa pagkabalda sa byahe, gikatakdang makigpulong ang LTFRB uban sa CTTMO ug sa dagkung mga kumpanya sa bus aron makatabang usab sa pagpasakay sa mga maapektuhang pasahero sanglit lain na usab nga diyalogo ang gikatakdang ilusad karong January 30.
RadyoMaN Aimee Guinita
