Davao City – Nagpatuman na ang Land Transportation Franchising and Regulatory Board (LTFRB-XI) kabahin sa ‘Oplan Isnabero’ sa taxi drivers nga mamili og pasahero.
Sa interbyu sa DXDC RMN Davao kang Nonito Llanos, ang Regional Director sa LTFRB-XI, nagpahigayon na sila og operation pinaagi sa koordinasyon sa Highway Patrol Group (HPG) ug ubang ahensya sa gobyerno.
Gipasabot ni Llanos sa mga taxi driver nga makalapas niini adunay multa P5,000 sa first offense, P10,000 second offense, P15,000 ug posibleng pagbawi sa prankisa alang sa 3rd offense.
Gi-awhag ni Llanos, ang mga taxi drivers nga dili mopili og mga pasahero tungod kay obligasyon kini nila nga magserbisyo.
“Ang prankisa prebilihiyo nga gihatag sa gobyerno busa ampingan nato kini,” sulti ni Llanos.
RadyoMaN Don Pulayao
Facebook Comments
