LTFRB-XI: PUV service contracting program dako’g tabang

35

Davao City – Gibutyag sa Land Transportation Franchising and Regulatory Board (LTFRB)-XI nga padayon ang programa sa buhatan ug sa Department of Transportation (DOTr) ilawom sa Bayanihan to Recover as One Act nga mao ang PUV (Public Utility Vehicles) Service Contracting Program.

Atol sa One Davao on COVID-19 Virtual Presser, gibutyag ni Nonito Llanes, Regional Director III, LTFRB-XI Regional Director nga ang maong programa dako og tabang diin sa Gross Service Contracting Program, ayudahan ang mga drivers sa ilang serbisyo sa libreng pagpasakay sa mga medical frontliners ug Authorized Persons Outside of Residence (APORs).


“Mao na ‘ning programa nga wala gyoy ibayad ang mga pasahero. Unya ato ‘ning gi-offer sa mga health workers and sa mga APORs. Ang mahitabo kay wala man silay collection sa ilang pasahero, dako-dako pod ang kantidad matag kilometro,” sulti ni Llanes.

Dinhi sa Davao Region, mamahimong maka-avail sa programa ang bus, jeepney ug philcab (multicab) drivers diin sila i-monitor pinaagi sa driver’s application.

Gilauman usab nga lugwayan pa ang maong programa samtang aduna pay budget ang hingtungang ahensya sa gobyerno alang niini.

RadyoMaN Kirby Manzon



Facebook Comments