LTFRB-XI: Tagging sa fully vaxxed drivers ikonsidera

30

Davao City – Gikonsidera sa Land Transportation Franchising and Regulatory Board (LTFRB-XI) nga maayong practice ang pag-tag sa mga Public Utility Vehicle (PUV) drivers nga fully vaccinated na batok Coronavirus Disease 2019 (COVID-19).

Sa interbyu sa DXDC RMN Davao kang Nonito Llanos III, Regional Director sa LTFRB-XI, gisaysay niini nga mamahimong itahas sa mga operators ang tagging nga maoy nasayud kung kinsa ang mga driver nga bakunado na.

Matud ni Llanos, maayo nga lakang ang pag-tag kun pagbutang og sticker sa sakyanan sa mga bakunadong drivers nga gihimo karon sa Barangay Lasang, Davao City alang sa bakunadong tricycle ug trisikad drivers, ug bisan sa ubang rehiyon.


“Naa koy nakita nga mga Public Utility Vehicles under sa command sa LTFRB sa Region 10, nga naa gyoy nakabutang nga “I am a fully vaccinated driver”, something like that nga mga stickers. Nindot na tan-awon. We will take that into consideration,” segun ni Llanos.

Una nang giklaro sa Barangay Lasang nga dili diskriminasyon ang maong lakang, inay tabang kini sa kampanya sa gobyerno nga makab-ot ang herd immunity batok COVID-19.

RadyoMaN Kirby Manzon



Facebook Comments