Mga smuggled nga mga sigarelyo nakumpiska sa mga otoridad sa lungsod sa Molave

25

Molave, Zamboanga del Sur – Naharang sa mga otoridad sa Molave MPS ang mga lalake nga nisulay sa pagpayuhot og illigal nga mga sigarelyo didtung dapita sa Rizal Avenue, Brgy. Makugihon, Molave ZDS ala 1 ang takna sa niaging hapon November 6, 2021.
Gibutyag ni PltCol Juliuzar Asdani nga naksakay ang mga indibidwal sa usa ka unit sa D-van Forward Cargo IZUSU Truck color puti nga gabyahi gikan sa syudad sa Zamboanga paingon sa syudad sa Ozamis pinaagi sa Sindangan ug Dumingag nga rota.
Naila ang mga pahinante sa maong sakyanan nga sila si Christopher Salazar Guivarra, 23-anyos, ulitawo, driver, Rodelyn Conception Marcelino, 21-anyos, minyo, truckman, Jason Meresido Elopre, 34-anyos, minyo, pulos kining mulupyo sa Barangay Bongiao, syudad sa Zamboanga.
Gipangayuan matod pa ug lisensya kining driver nga si Christopher Guivarra apan pakyas kini sa pagpakita.
Gisuta sa mga kapulisan kon may legal bang mga dukumento ang mga karga apan pakyas gihapon sa pag presenta ang tulo ka mga indibedwal.
Nikabat sa 196 ka mga kahon sa nagkalain laing matang sa mga smuggled nga sigarelyo ang nakumpiska sa mga kapulisan sa maong sakyanan nga gidala sa buhatan sa kapulisan sa Molave samtang ang mga suspek ang nag-atubang na kini sa tukmang reklamo.


Facebook Comments