Davao City – Gianunsyo sa Land Transportation Franchising and Regulatory Board (LTFRB)-XI nga aduna nay Pantawid Pasada Cards (PPC) alang sa Fuel Subsidy sa mga VANS o UV Express units.
Makita sa “Ltfrb Region XI – Davao” Facebook page ang listahan sa mga kinahanglan muadto sa LTFRB-XI alang sa pagpirma ug releasing documents. Dal-on lamang sa mga benepisyaryo ang ilang pinakabag-ong Official Receipt ug Certificate of Registration (OR-CR) ug Certificate of Public Convenience (CPC).
Human ma-submit ang mga rekisitos sa LTFRB-XI Office sa Libby Road, Davao City, pwede nang makuha ang PPC sa LANDBANK, JP Laurel Branch, sa bag-ong address sa maong banko sa Palm Gil Drive, Bajada, Davao City.
Sugod karong adlawa (July 8, 2022), mudawat og 30 ka PPC beneficiaries matag adlaw ang LANDBANK Bajada.
RadyoMaN Kirby Manzon
Facebook Comments
