Davao City – Anaa sa 17 gikan sa 20 ka mga barangay sa munisipalidad sa New Corella, Davao del Norte ang gideklara nang “Barangay Drug Free”.
Atol sa panagpulong sa Philippine Drug Enforcement Agency (PDEA), gipresenta niini nga tulo (3) na lamang ka barangay ang padayong nagahikay sa programa ug nagproseso nga mao ang Barangay Poblacion, Del Pilar ug Mesaoy.
Ang Municipal Peace and Order Council (MPOC) ug Municipal Anti-Drug Abuse Council (MADAC) Meeting gi-panguluhan ni Hon. Jorjan B Federiso, Municipal Mayor sa Lungsod kauban ang nagkadaiyang membro sa Konseho sa MPOC ug MADAC nga adunay espesyal nga partisipasyon sa 25th Infantry Battalion (IB), Philippine Army (PA), Armed Forces of the Philippines (AFP), ug PDEA.
Sa kasamtangan, gitawag na usab nga “Insurgency Free” ang probinsya sa Davao del Norte lakip na ang lungsod sa New Corella.
RadyoMaN Kirby Manzon
Facebook Comments
