Bukidnon – Nangayo’g despensa ang Land Transportation Office sa daghang mga motorista ang ga-antos sa linya sa ilang buhatan sa pagkuha sa mga lisensya.
Sa interview sa RMN Malaybalay ngadto kang Regional Director Oscar Salcedo gi-angkon niini nga adunay pagkalangan gayod sa pakuha sa mga plastic drivers license.
Alayon niini nanawagan siya sa publiko nga patas-an ang pasensiya tungod kay limitado lamang ang ilang ma-printa kada adlaw tungod sa kahinay sa ilang machine sa pag-printa sa lisensya.
Matud niya kada adlaw anaa lang sa 60 hangtod 80 ka drivers license ang ilang ma-printa.
Tungod niini, nangayo’g pagsabot si Salcedo sa publiko sa hinay nila nga serbisyo ngadto sa mga aplikante.
Dungan niini nanawagan usab kini sa mga tag-iya ug sakyanan nga magparehistro nga likayan ang mga fixers ug moderetcho lamang sa buhatan sa LTO-Malaybalay kung morehistro.
