Ginpabakod sang Land Transportation Office ukon LTO 12 ang information education campaign IEC angot sa Child Safety in Motor Vehicle Act nga nagaobliga sa paggamit sang mga bata sang Child Restrained System ukon CRS /car seats.
Ini ang nangin kamanduan ni LTO 12 Regional Director Macario Gonzaga sa mga Regional Law Enforcers kag mga miyembro sang Regional Media kag Public Assistance Office ukon RDMPAO sang ahensya.
May-angot sini ginhingyo sang team sang LTO ang bulig sang mga local government units nga ilakip sa ila mga programa kag aktibidad ang pagpasanyog sang balaud.
Samtang gin-isplikaran naman sang enforcement officers sang LTO ang mga parent drivers nga nagabyahe upod ang ila mga kabataan sa importansya sang Child Safety in Motor Vehicle Act kag Child Restraint System.
Ang nasambit nga tikang sang LTO ang suportado naman sang pipila ka mga lokal nga opisyal sa rehiyon. Kabahagi din ng
Kabahin sang IEC sang LTO 12 ang pagpanghatag sang reading materials angot sa nasambit nga balaud sa mga motorista.
Pahayag ni RD Gonzaga nga dapat mangin prayoridad sang mga ginkinan ang kaluwasan sang ila mga kabataan tungod nagapati siya nga mas luwas ang kada pasahero nga bata paagi sa CRS.
