Nakatutok pa sa subong sa information dissemination campaign ang Land Tranportation Office ukon LTO 12 sa implementasyon sang RA 11229 ukon ang Child Safety in Motor Vehicles Act.
Sa subong suno kay LTO 12 Regional Director Macario Gonzaga wala pa sila nagapangdakop sa wala nagasunod sa nasambit nga balaud dire sa rehiyon kag magahulat sila sang direktiba halin sa ila central office sa full implementation sang balaud.
Aminado man si RD Gonzaga nga may mga problema sa implementasyon sang balaud nga may dapat pa nga kaayuhon tungod indi madali nga ipatuman ilabi na nga may mga requirements nga i-comply ang mga tag-iya sang salakyan partikular na ang child car seats.
Pahayag pa ni Gonzaga nga isa man sa ila nga ginakonsiderar kon bala may accredited nga establishemento nga nagabaligya sang child car seat dire sa rehiyon amo nga may adjustment period sila nga himuon.
Samtang apela niya sa mga car owners nga tungod balaud na ang Child Safety in Motor Vehicles Act ang intiendihon kag hinay-hinayon na comply kon available na ang child car seat.
Ginapaboran naman ni RD Gonzaga ang nasambit nga balaud para sa proteksyon sang mga kabataan ilabi na sa tion sang insidente sang road crash.
Sa nasambit nga balaud sakop sini ang mga kabataan edad 12-anyos panubo kag ang pinalidad sa indi magcomply ang 1st offense P1k, 2nd offense P2k kag 3 rd offense P5k kag isa tuig nga suspension sang driver’s license.
