Dipolog City – Ang Land transportation office region 9, ilabi na diri sa Dipolog City hugtanon nang ipatuman sa tibuok rehiyon ang Anti Distracted Driving Act, kini human nga ang implementing rules and regulation (IRR) na publisar niadtong meaging semana.
Ubos sa IRR, dakpon ang mga driver nga masakpan nga magamit og cellphone samtang nagmaneho sa iyang bihikulo ug motorsiklo bisan pa og makahunong sa traffic light.
Cover sa Anti-Distracted Driving Act ang pribado, diplomatic nga bihikulo ug Public Utility Jeepney, mga nag maneho sa bike ug bisan ang karwahi sa karabaw basta musulod sa pampublikong dalan pangdakpon kung makasupak sa balaod.
Sa pakighinabi niining inyong tigbalita ngadto kang Ass. Regional Dir. Sa LTO nga mao si Manuel Betaizar, gibutyag niini nga dili sila magpanuko sa pag dakop sa mga makalapas sa balaod.
Dugang pa ni ARD Betaizar nga dili na kini kinahanglan nga buhatan ug balaod sa mga opisyales tungod kay gilangkuban na niini ang tibuok nasud sa Pilipinas. – MARK A. BACROYA
