*Malaybalay, Bukidnon – Aminado ang Land Transportation Office kon LTO Malaybalay nga gipatuman na sa ubang bahin sa rehiyon 10 ang* Republic Act 10913 kon Anti Distracted Driving Act sugod kaniadtong Hunyo 17 ning tuiga apan wala pa kini napatuman sa siyudad tungod sa problema sa deputation*.*
*Sa interview sa RMN Malaybalay ngadto kang Engr. Virgilio Nanol, ang head sa LTO Malaybalay gibutyag niini nga plano nila nga makig-tie up sa local government unit alang sa deputation.*
*Samtang sa managbulag nga interview sa RMN Malaybalay ngadto kang LTO 10 Regional Director Oscar Salcedo gipahayag ninii nga wala pa sila kapahigayon ug seminar for deputation sa Malaybalay apan nakahimo na sila sa dakbayan sa Valencia ug lungsod sa Maramag.*
*Nakatakda usab nga ipahigayon ang deputization sa Malaybalay karong umaabot nga Hulyo 27 ug 28.*
Naglaum usab ang LTO-10 nga makunhuran ang ihap sa disgrasya sa kadalanan human nga gipatuman ang ADDA.
Una niini, gi-ingon ni Salcedo nga ulahing gipatuman sa LTO-NorMin ang maong balaod aron maglusad pa sa dugang information drive alang sa mga motorista sa tuyo nga dili na sila makabalibad kon pangdakpon na sa kadalanan.
Ang balaod nga nagdili sa paggamit sa mga communication gadgets samtang nagmaneho sa sakyanan.
Naglakip kini sa pag text, pagtawag ug paggunit sa cellphone samtang nag-drive .
Covered niini ang tanan nga matang sa transportasyon ma-pribado man o publiko basta moagi sa karsada.
*****
