i Balita July 01, 2018 (Photo From Web. No Copyright Infringement Intended)
Ipagwa na sang LTO ang madugay na ginahulat sang mga motorista nga plaka sang ila mga salakyan.
Apang gin-athag ni Mr. Jojo Jamerlan, LTO 6 Operations Division Chief, ang mga narehistro lamang sang July 2016, indi kalakip ang mga motorcycles, ang ila irelease sa July 5, 2018. Ini bangud ang June 2016 and below subject pa sang COA resolution.
Ang mga motorcycle plates naman suno kay Jamerlan on hold pa samtang ginadesisyunan pa ka Kongreso kon padakuon ini ukon duha nalang ka gamay nga plaka nga ibutang sa atubang kag likod sang motor.
Ang bago nga plaka maga umpisa gihapon sa letter F nga nagakahulugan Region 6, may 3 ka letters kag 4 na ka numeric, halimbawa FAA 1554. Ang mga existing plate numbers nga naga umpisa na sa letter pero may 3 letters kag 3 numeric lang (FDA 285), ang paga islan sang may 4 numeric series paagi sa pagdugang sang 0 sa una (FDA 0285).
Ang mga plate numbers naman diri sa Western Visayas with prefix ABA 1000, ADA 1000 kag ABM 1000 ang igaconvert sa ulihi paagi sa pag ilis sang una nga letra sa F (FBA 1000, FDA 1000 & FBM 1000).
Kadungan sa pagrelease sang new plate numbers ang RFID sticker nga pwede na ma- scan agud makuha ang MV details. Pero nagapahanumdum si Jamerlan nga mangin mahinalungon sa pagtakod sang RFID sticker bangud sensitive ini kag mabudlay ilisan.
Dapat ipilit ini sa likod sang rear view mirror pero kinahanglan nga i-cut out ang tint bangud indi pwede nga masuper imposed sa tint ang sticker. Bantayan diri sa RMN Iloilo ang announcement sang LTO 6 kon sano naman irelease ang plate numbers sang mga narehistro sang August 2016 pasaka.
