Human na mabaldado an serbisyo nan Land Transportation Office (LTO) dire sa syudad jadton Huwebes mahitungod sa pagkadaot nan ‘printing machine’ nan ahensiya, nangaju nan pagpasensya an hepe sa LTO- Surigao City na si Engr. Manuel del Carmen pinaagi sa DXRS-RMN SURIGAO .
Sumaya pa na, an pagkadaot sa sistema nakaapekto sa serbisyo nan mga individual na nagkuha nan ‘plastic licensed-card’ gikan sa ila opisina. Hinuon, jadton Biyernes nabalik ra an serbisyo nan ini human na madajaw sa mga technician.
Isa sab sa tag-ajoan nan pasensya ni Del Carmen an dile ma-atiman sa tanan na magkuha sa mga lisensya tungod kay sila naglimita lamang sa pagprint nan mga lisensya.
“Kada adlaw limited gajud amo printing, dile gyud tanan ma-accomodate. Busa, first-come basis gyud an amo sistema. We prioritize the application of new license and renewal,” laong ni ini.
“So far, ang among backlog niabot na sa 20,000. Magprint kami everday nan 170 kapin ka mga licensed-card suyod sa otso ka oras. Ugsa dile gajud mahurot tanan pagprint kay dugay man sija iprint–mukonsumo nan 3-minutes per card. Sa una muabot kami sa alas 8-10 sa gabie, pero an amo machine dili na makaya magpaso na, amo jaon madaot,”
Sumaya pa ni del Carmen na mas marajaw pa limitahan an paggamit nan printing machine, kaysa maguba ini og malangan nasab an pagserbisyo nila.
Tambag pa nija na para mauna ug madali sa pag-asikaso an ila mga aplikasyon mas gana kun sila magsajo pagkadto sa ila opisina.
Sa mga waya pa gihapon kadawat sa ila mga aplikasyon pila na kabuyan nakalabay, “pasensyahay rakan dili gajud namo maatiman tanan, pero gihatagan gajud namo kamo nan marajaw na serbisyo hangtod sa amo makaya.”
