Ya anda encontra el Director Regional del Land Transportation Office el abogao Aminola Abaton con el palabra del pulis quien ta habla nupuede cuji con el maga habal-habal y maga colorum tricycle porcausa noahy onde man base.
Na entrevista del RMN Zamboanga con Abaton ya habla le del año 2014 pa tiene ya policia o regulacion yah ace sale el LTO Manila donde con el maga habal-habal y otro vehiculo ta saca saca pasahero sin franquiza ay puede cuji y impone el violacion del que se llama “colorum” y este ay multa P6,000 con el tsuper.
Ya estraña tambien si Abaton cuando ya habla conele el RMN el cosa ya habla el portavoz del City Police Office que nohay sila onde man base si ay cuji conestos.
Asegun pa con Abaton sabe se el maga pulis especialmente aquelios maga deputized.
Puede tambien el maga pulis atracca na LTO para pidi el copya del policia para puede yah ace apas conestos maga colorum vehiculo.
Del mas temprano el pulis ta habla nohay sila onde man base para hace el paspasan con estos maga colorum vehiculo.
