Kalibo, Aklan – Sambilog rong patay matapos nga mag eontad rong aksidente kabii sa national highway it Jaime Cardinal L. Sin Avenue nga sakop it Brgy. Pook, Kalibo, Aklan.
Rong namatay hay nakilaea kay Delbert Cortes Olarte, 37-anyos ag residente it Brgy. Fatima, New Washington samtang rong driver it tricycle nga anang sinunggaban hay si JunJun Nilvar Orbista, 28-anyos ag residente it Purok 4, C. Laserna St., Kalibo.
Sa imbestigasyon naga guwa nga samtang rayang si Orbista hay naga drive it anang Honda TMX 125 nga motorized tricycle haliin Kalibo paadto sa direksyon it New Washington, apang pag-abot sa lugar it aksidente hay gulpi eamang ra imaw nga sinunggaban it naga sunod nga Honda Supremo motorized tricycle nga ginamaneho it bikitma.
Nag resulta nga magbalintong rong tricycle ag nahapintae rong biktima.
Insigida nga gindaea sa hospital it mga nag respondeng taga MDRRMO Kalibo pero gindeklara raya it doctor nga patay.
Samtang si Orbista hay nakaangkon eamang it mga minor nga lastro.
Sa makaron hay nagapadayon pa rong imbestigasyon it mga kapulisan angot sa nasambit nga aksidente.
