TACLOBAN CITY – Ginpasabot han Land Transportation Office (LTO) Region an mga motorista ha rehiyon otso nga hira hin magdidstribwer hin bag-o nga plaka ha mga pribado nga mga sarakyan nga gintikangan na kakulop, Hulyo 5, 2018.
Sumala kan Edgar Catarungan, Regional Director han LTO, gintikangan na kakulop an panhatag han mao nga mga plaka ha bug-os nga nasud para han nationwide distribution of plate numbers.
An igdidistribwer nga mga plate numbers in mayada coverage para han mga four wheel vehicle tikang Hulyo 1, 2016 tubtob ha presente ngan andam na liwat an ira mga plaka para han mga bulan han Hulyo, Agusto ngan Septembre yana nga tuig.
Ha pagka yana, hira in mayada ginsususunod nga mandato nga maghahatag hin 100 nga plate numbers kada adlaw.
Dugang pa niya, waray pa available nga plate numbers ha mga motorsiklo.
An mga plaka nga para han mga motorsiklo in waray pa produksyon mahitungod kay ini in ginhihimangrawan pa ha House Of Representatives ngan Senado nga padakuon ngan doblehon an mao nga plaka. Hira in naghuhulat han desisyon agud malikayan an pagdoble gasto han gobyerno.
