Davao City – Subling gianunsyo sa Land Transportation Office kun LTO XI ngadto sa mga buot adunay iproseso sa ilang buhatan nga abri ang ilang ubang mga branches o satellite offices sa Toril ug Lanang ning syudad sa Davao human nga nasutang mingaw ang mga areas niini.
Subay sa facebook post sa LTO XI official fb page nga Land Transportation Office Region XI, makita sa litrato nga wala kaayoy mga tawo nga naga adto sa LTO DLRO Felcris Toril Branch ug Warehouse Club Lanang diin matud pa mamahimo usab magproseso sa nga nasangpit nga branches sama sa pagkuha og SP ug renewal sa mga lisensya.
Una ng gianunsyo sa LTO XI ang mga nasangpit nga branches aron dali ra sa mga buot mukuha og mga kinahanglanon nila sa buhatan ug dili na usab ingon nga magkaguot ug maghulat pa og dugay tungod sa daghang tao sa ilang main office nga nahimutang sa may dalang Quimpo Boulevard ning syudad sa Davao.
RadyoMaN Renz Barbarona
