LTO XI nagpahinumdom vs colorum vehicles

151

Davao City – Kinahanglan matud pa susihon pag-ayo sa mga pasahero ang mga pampasaheroang sakyanan og colorum ba kini o dili.

Kini ang pahinumdom ni Jun Antonio, hepe sa Law Enforcement Division sa LTO-Xl atol sa gipahigayong AFP-PNP Presser diin laumang daghan ang manguli karong umaabot nga semana santa.


Sumala ni Antonio nga angay tan-awon og adunay markings ang sakyanan sama sa vans, adunay Land Transportation Franchising and Regulatory Board kun LTFRB case number, naay panel route marking atubangan sa van sama sa nakabutang nga Davao – Bansalan gumikan mao kini ang mga basic nga angay lantawon og colorum ba kini o dili.

Apan gibutyag ni Antonio nga daghan gihapon ang nagahimo og fake nga mga case numbers busa tambag niini sa mga muuliay nga sa terminal sa mga sakyanan musakay.

“Pinakaseguro kanang sa terminal nalang gyud guro, naa man diha sa Gaisano terminal, sa Ecoland. Diha nalang musakay kaysa magpara sa dalan,” segun ni Antonio.

Dugang sa maong hepe nga adunay 200,000 pesos nga penalty ang masakpan nga naga-operate nga mga colorum nga sakyanan ug iimpound usab kini sa nasangpit nga buhatan.

RadyoMaN Renz Barbarona




Facebook Comments