Industriya sa seaweeds sa Bantayan apektado sa el niño

56

Gituyo pagduaw sa kadagkuan sa Bureau of Fisheries and Acquatic Resources-7 ang tulo ka gagmay`ng isla sa Bantayan sa amihanang Sugbu subay sa nadawat nga taho nga naapektohan na sa el niño ang mga seaweed farmer sa maong mga lugar.

Si BFAR -7 Regional Director Alfeo Piloton nibutyag nga 5 % sa 300 ka ektaryang pananom sa seaweeds o guso ang apektado sa microorganism nga gitawag ug “ice-ice” nga kung dili mapugngan maghatag ug dakung danyos sa ilang industriya .


Gipasabot ni Piloton nga ang “ice-ice” motumaw sa panahon nga taas ang temperatura ibabaw sa dagat sama sa nasinati karon tungod sa huyang nga el niño .

Gisusi sa mga tinugyanan sa BFAR ang isla aron imonitor ug ma-assess ang situwasyon sa mga mag-uuma ilabi na sa gagmay`ng isla sa Panangatan, Biyagayag ug Mambacayao Diot sa Bantayan .

Samtang gitambagan usab ni Piloton ang mga seaweeds farmers nga naapektohan sa ice-ice nga sayohon pag-ani ang ilang mga panahon aron kini mapuslan pa ug mabaligya .

Ang ma-ani nga guso komprahon sa mga dagkung kompaniya nga nagkinahanglan ug “carrageenan” nga sangkap sa paggama ug lain-laing mga produkto sama sa cosmetics ug ubang produktongn pagkaon .

Facebook Comments

From Advertisers