LTRFB 10 giklaro ang 15 centavos nga fare increase sa mga bus

23

Giklaro sa Land Transportation Franchising and Regulatory Board kon LTFRB region 10 nga walay pag-usbaw sa pletehan sa rehiyon.

Sa interview sa RMN Malaybalay ngadto kang LTFRB 10 Regional Director Allan Guro, gibutyag niini nga walay angayang itaas sa pletehan ang mga driver ug operator sa mga Public Utility Vehicle sa rehiyon tungod kay walay pagbag-o sa taripa.

Matud ni Guro nga gibalik sa ilang buhatan ang petisyon sa pipila ka transport group alang sa fare increase aron makahimo sila ug public hearing kalabot niini.

Hinoon gibutyag ni Director Guro nga sukad kaniadtong bulan sa Oktubre adunay 15 centavos nga pagtaas sa pletahan kada kilometro sa mga bus.

Sigun sa LTFRB nga dili lamang kini sa Mindanao gipatuman kon dili bisan sa Visayas ug Luzon.

Facebook Comments