Pamilyang Quimbo sa Labason malipayon tungod kay ila ng naka-uban ang ilang anak nga si Jed human gibuhian sa ASG niadtong miaging adlaw.

181

Human sa halos mo subra sa usa ka tuig nga pagdagit ni Jed Quimbo anak ni Labason Mayor Eddie Quimbo, gibuhian na sa grupong Abu Sayyaf atol saRizal Day niadtong adlawng Domingo didto sa Patikul, Sulu.

Kini ang gikumpirma ni Regional Dir. Chief Superintendent Emmanuel Licup, 4:14PM niadtong December 30, 2018 gibuhian kini didto dapit sa brgy Anuling, Patikul, Sulu.


Kahinumduman si Quimbo gidagit niadtong September 6, 2017 sa unom ka wala mailang mga armadong lalaki didto sa iyang tindahan sa lungsod sa Labason ug pugsanon kining gisakay sa Van.

Mismo ang igsuon niini nga si Justin Quimbo ang mikuha, human kini gibuhian sa ASG sa miaging adlaw uban niya si kanhi Gov. Abdusakur Tan.

Gipresenta si ang biktima nga si Jed ngadto sa OIC sa Joint Task Force Sulu didto sa pinuy-anan mismo ni Tan, kini base sa taho sa Sulu Provincial Police Office.

Gipaubos si Quimbo sa debriefing ug medical check-up didto sa Camp Bautista Hospital.

Hinuon wala pa’y gibutyag kung aduna ba’y ransom money nga gibayad bugti sa kagawasan niini.

Malipayon usab ang pamilyang Quimbo sa Labason tungod kay usa kini ka maayong regalo sa ilang pagsugat sa bag-ong tuig 2019 tungod kay ila nang maka uban ang ilang anak nga taod-taod nang anaa sa kamot sa mga ASG.

Facebook Comments

From Advertisers