Dili na makabalik pa sa trabaho isip traffic enforcer sa Land Transportation Traffic Management Office (LTTMO) Butuan sila si Rey Bustillo Misanes ug John Alvin Semacio Sorronda. Kini ang gibutyag ni P/Maj. Ronald Orcullo, Hepe sa LTTMO Butuan.
Sigun sa opisyal, iyang himoan ug report og irekomenda ngadto na sa Mayor ang pagterminate nila ni Misanes ug Sorronda.
Sa kabalaka sa opisyal nga basin ug adunay lain pang enforcer nga naggamit ug illegal nga druga maong gusto niini nga mapailalom sa surprised random drug test ang iyang mga sakop.
Awhag sab sa opisyal sa iyang mga gingsakpan nga kung kini naggamit ug nagbaligya ug ginadiling druga mas maayong mosurender na lang.
Nanawagan sab siya sa publiko nga ireport ngadto niya kung aduna nasayran nga mga dili maayong buhat sa mga traffic enforcer aron matagaan ug aksyon.
Kagahapon sa hapon nakigtagbo usab ang opisyal ngadto na kang City Administrator Rey Desiata aron hisgutan sumala pa ang pagkasikop sa duha ka mga traffic enforcer nga nakuhaan ug illegal nga drugang shabu sa gipahigayong buybust operation sa gingsakpan sa PDEA Caraga.
[image: lttmo dakpan.jpg]
