General Santos City—Hospital ang gidangatan sa usa ka Abdullah Alibio, Legal age, residenti sa Silway Darimco, Barangay Dad, West, Gensan human nga gitabangan ug dunggab sa iyang mga kainum ala 1:30 ang takna kaganinang kabuntagon.
Mga suspek sa pagpanunggab giilang silang si Momar Gapal, Maco Nawa, Saydar Dawa ug lain pang duha ka mga suspek.
Sa inisyal nga imbistigasyon sa Police Station 1 nasuta nga pauli na ang biktima sa ilang panimalay dihang gidapit kini sa iyang mga silingan nga nag tagay daplin sa dalan.
Isip respito mitagay ang nasangpit apan human niini siya gidunggab sa mga suspek human natripan.
Paspas nga nanibat ang mga suspetsado human sa insidenti samtang ang biktima gidala dayon sa Dr. Jorge Royeca Hospital.
Sa karon nagpadayon ang gihimong imbistigasyon sa kapulisan kalabutan sa insidenti.
