Gipanghambog ni DCPO Spokesperson Police Major Catherine dela Rey ang pag-ubos sa crime volume sa syudad sa unang quarter karong tuiga ikumpara sa pareho nga period sa 2022.
Suma ni dela Rey, makita sa ilang monitoring nga mihagsa hangtud 43 porsento ang gidaghanon sa krimen sa syudad gikan sa buwan sa Enero ug Pebrero 2023 ikumpara sa 78 porsento sa samang mga panahon sa 2022.
Sa crime volume, adunay tulo ka krimen ang nahitabo sa entero sa dakbayan kini gilangkuban sa lugos, kawat, ug pagpatay.
Sa tulo ka mga krimen, ang lugos maoy numero uno nga miparka sa crime volume nga natala sa DCPO, human miabot og 15 ka kaso karong tuiga ug mas ubos kini itandi sa 28 ka kaso sa 2022.
Segun ni dela Rey nga sagad sa mga biktima sa lugos pulos mga menor-de-edad ug pipila kanila brutal pa gyod gipatay sama na lamang sa Barangay Sibulan Toril ug sa Paquibato Proper ning syudad.
Ikaduhang nag-unang krimen mao ang kawat human miabot og 16 ka panghitabo karong tuiga ug kini gilangkuban sa shoplifting ug qualified theft.
Samtang sa katapusan ug ikatulo nga krimen mao ang pagpatay ug lakip na ang physical injury nga sagad sa mga mabiktima mga misis, mga tambay, ug uban pa.
RadyoMaN Joel Viray
