NTC-XI: SIM card registration pwede ma-extend

Davao City – Gibutyag sa National Telecommunications Commission (NTC)-XI nga pwede nga ma-extend ang deadline sa Subscriber Identity Module (SIM) card registration nga mahuman sa Abril 26, 2023.

Sa interbyu sa DXDC RMN Davao kang Nelson Cañete, Regional Director sa NTC-XI, wala pay opisyal nga anunsyo ugaling lugwayan man ang pagparehistro, apan giawhag niini ang publiko nga dili na paaboton ang maong petsa.

“In fact, ang balaod nag-ingon nga pwede pang ma-extend og up to 120 days. Pero kung mahimo, hikalimtan nato nang extension for the meantime. Hunahunaon nato nga up to April 26 ra gyud ‘ni siya para marehistro na nato na (ang ilang SIM),” sulti ni Cañete.

Matud ni Cañete, sa pinakaulahing datos, anaa pa lamang sa sa 48 million SIM cards ang narehistro sa 179 million nga actual SIM card holders sa tibuok Pilipinas.

Una na nga giawhag sa NTC-XI official ang Sangguniang Kabataan (SK) nga tabangan ang mga senior citizen ug bulnerableng sektor sa komunidad nga makaparehistro sa ilang SIM cards.

RadyoMaN Kirby Manzon