Lumad sa Surigao Sur nanawagan ihunong an militarisasyon!

62

“Tungod sa 9 mil ka ektarya sa yutang kabilin namo na puno sa mineràles sanan kakahuyan , hinungdan na amoy target nan mga negosyante sa mina og logging”, ini amoy kusganon na tagpamahayag ni Jeff Rivas nan MAPASU o Malahutayong Pakigbisog Alang sa mga Sumusunod. Sa interview nan RMN Surigao kay Jeff iban sa ija mga kaibanan gikan sa Surigao Sur, ini mipadayag nan ila kadismaya sa kasundaluhan na padajon nanghasi sanan mihulga sa ila mga katungod na magkinabuhi sa kaugalingon na yutang kabilin .Sumaya pa nila na an ila mga panginabuhian sa bukid lakip ila panimayay an ila tagbijaan tungod sa kahadlok sa presensya nan militar na diin an tujo amu an paghasi para sila motabi sanan mapasuyod o ilogon an ila yutang kabilin para matuman an pagpabalik sa mina sanan logging activities sa bukid. Dugang pa nan MAPASU na kusganon gajud nila na babagan an amu na katujoan na pasudlon inin mga negosyante sa mina sanan logging tungod kay dako an kadaut na daya nan ini sa kinaiyahan sanan sa katawhan .Tumong lamang sa ila panawagan na patabion an mga sundalo sa bukid para sila makabalik na isab sa ila yutang kabilin na angayan nila ampingan para sa sumusunod nila na mga kabataan o henerasyon.

Facebook Comments