Ang mga radio station sa Butuan, nga sakop sa kapisanan ng mga broadcaster ng pilipinas KBP makabaton kini ug tag 150 sqauare meters nga luna daplin sa baybayun sa Sitio Tabigue Sacol, Buenavista, Agusan del Norte.
Kini ang gipahayag ni Engr. Romy zerrudo, Chairman sa KBP Butuan ug Agusan del Norte, human nga hingpit na nga napirmahan ang Memorandum of Agreement tali na sa DENR ug KBP nga nag tugot sa KBP nga I develop ang 3.5 hectares nga mangrove area sa maong lugar.
Sa karun gihikay na usab ang Foreshore Lease Agreement tali na sa KBP ug DENR ug napa survey na sa DENR ang kinatibuk-ang lugar.
Sumala pa ni Norman Asugan, Community Environment and Natural Resources CENRO Nasipit, tugutan sa DENR nga makagamit sa lugar, apan kinahanglan nga i-develop kini sa mga KBP member station alang sa eco tourism nga katuyuan.
Sa 3.5 heatares ang matag stasyun adunay tag 150 square meters nga mamahimong katarukan ug mga cottages, nga mamahimong paabangan sa katawhan nga gusto maligo sa lugar.
Plano usab sa KBP nga mag tukod ug usa ka convention center sa lugar. Sa tanang kbp chapter sa tibouk pilipinas, kini ang labing una sa tibuok Pilipinas nga nahitabo nga gitagaan ug luna sa DENR ang KBP.
Sent from my Samsung Galaxy smartphone.
