General Santos City—nakasinati ug financial Crisis sa kasamtangan ang lungsod sa Malapatan, Sarangani Province.
Kini ang unod sa suwat ni Municipal Treasurer Eduardo Manlunas kang Malapatan Mayor Alfonzo Singcoy diin gibutyag niini nga kuwang ug 24 milyones ka pesos ang pundo sa munisipyo karong tuiga.
Sa kasamtangan anaa na lamang sa 31 milyones ka pesos ang nahibiling pundo sa munisipyo. Kung idungag ang IRA sa lungsod gikan sa bulan sa setyembre ngadto na sa Disyembre nga adunay 18 million IRA matag bulan nga dunay kinatibuk-ang kantidad nga 72 million pesos, muabot lang kini ug 103 million.
Nasayran nga dapat mukabat sa 127 million ang mabilin nga pundo sa munisipyo ug tungod anaa nalang sa 103 million ang mahimong pundo sa lungsod kuwang gyud kini ug 24 milyones pesos. Nasayran nga nahimong kontrobersyal ang Malapatan tungod na usab sa minilyong unliquidated cash advance ni Mayor Singcoy ug anak niining municipal Administrator.
