Basi sa kinaulahing datos nga gipagawas sa probinsyal nga pangagamhanan sa Bukidnon, ang Malitbog ang nag-una sa mga munisipyo sa probinsya sa adunay bagang ihap sa katawhan nga kompletong nabakunahan sa 93%, gisundan sa Sumilao sa 89.35%, Manolo Fortich sa 85.84%, Pangantucan sa 83.51%, ug sa Baungon sa 82.40%.
Padayon ang pag-awhag sa probinsyal nga pangagamhanan sa Bukidnon sa katawhan nga magpabakuna na batok sa sakit nga Covid-19 ug aron nga mas mapali ang pagkab-ot sa Herd Immunity nga kasamtangang anaa sa 71.62% o 765,506 ka mga indibidwal ang kompletong nabakunahan sa target populasyon nga 1,068,778.
Gumikan niana, nagpadayon ang pagpamakuna batok sa Covid-19 sa Centennial Stage sa Capitol Grounds, Malaybalay City matag Martes hangtud adlaw nga Biyernes sugod alas 8 sa buntag.
Abli kini alang sa mga nag-edad 12 hangtud 17 anyos, ug 18 anyos pataas alang sa mag first dose, 2nd dose, ug booster shot.
