By: Edgar Dagumo
*Sirawai Zamboanga del Norte*- Pinasikad sa Executive Order Nos.9 series of 2017 nga gipalig-on Uktobre 18,2017 gideklara ang lungsod sa Sirawai nga State of Calamity human mahiagom ang entero lungsod sa calamidad nga nagsugod niadtong adlaw’ng sabado Uktobre 14 niining tuig.
Tungod sa makanunayong pag-ulan ug paghaguros sa hangin tungod sa bagyong Paolo halos mawala na sa mapa sa Zamboanga del Norte ang lungsod sa Sirawai nga ang grabeng naapektuhan ang mga coastal barangays dala sa paghampak sa mga balod ug storm surge kondiin pipila sa mga panimalay sa kabaybayonan ang gianod.
Sa interview sa DXDR RMN kang Maria Cecil Dandan sa Sirawai Municipal Information Center nasayran nga adunay 16 ka mga panimalay ang totally damaged samtang adunay 3 ang partially damaged walay gikatahong casualties apan adunay 1 ang samara
Pagsugod sa maong calamidad direktang nakasinati sa walay kuryente ug tubig mainom gikan sa water district sa maong lungsod sulod sa upat ka adlaw. Apektado sa kinatibuk-an ang 34 ka mga lungsod dili lang sa pagbaha ug lunop apil na usab ang pagkatumba sa poste sa Zamsure II, landslides nga dili na halos maagian ang kadalanan.
Ang local nga pangagamhanan ug ang barangay tagsa-tagsa nga nagpagawas sa ilang calamity fund aron makahatag suporta sa pagkaon ug tubig mainom sa mga naapektuhang mga katawhan nga anaa sa nagkdaiyang evacuation centers.
Sa pagkakaron padayon pa ang evaluation sa MDRRMC sa danyos kon pila sa kinatibuk-an samtang padayon pa gihapon ang nasinati nga mga pag-ulan ulan sa maong lungsod.
