Tabina, Zamboanga del Sur – Wala’y natalang damyos sa mitay-og nga magnitude 4.2 nga linog sa probinsya sa Zambaoanga del Sur alas 6:18 kaganihang buntag.
Nasubay sa Philippine Institute of Volcanology and Seismology kon Phivolcs nga ang sentro sa linog anaa sa gilay-ong 26-kilometros sa habagatang sidlakan lungsod sa Tabina ning probinya.
Tectonic ang gigikanan niini nga duna’y giladmong 16-kilometros, kondiin subling mitay-og pagka-alas 6:55 sa buntag nga dunay gikusgon sa 2.2 magnitude.
Lakip nga nakasinati sa pagtay-og ang silingan nga lugar, sama sa syudad sa Pagadian nga Intensity III, Intensity II sa Iligan City ug Lakewood, Zamboanga del Sur samtang Intensity I sa dakbayan sa Zamboanga.
Gimanduan dayon ni Tabina Mayor Fruby Dayondon ang mga miyembro emergency response team ug mga opisyal sa Barangay sa pagmonitor sa mga mulupyo sa maong lungsod aron malikay sa posibleng kadaot.
