LUSOT | Panukala para gawing simple ang pagbubuwis sa bansa, pasado na

74

Manila, Philippines – Aprubado na sa ikatlo at huling pagbasa ang ika-apat na bahagi ng Comprehensive Tax Reform Program (CTRP) ng Duterte administration na layong gawing simple at patas ang pagbubuwis sa bansa.

Sa botong 190 na pabor at 7 tutol dito ay nakalusot sa 3rd and final reading ang House Bill 8645 o Passive Income and Financial Intermediary Taxation Act of 2019.

Aayusin ng panukala ang 80 financial tax rates para 41 na lamang ito at ipapawalang saysay ang maraming special laws na naggagawad ng special rate at exemptions.

Isasaayos din nito ang buwis na ipinapataw ng mga financial intermediaries tulad ng mga serbisyo na savings, investments pati debt at equity instruments.

Papatawan naman ng unified income tax ang mga interes, dibidendo at capital gains habang 2% naman ang ipapataw sa mga pre-need, pension at life insurance.

Sa oras na maging ganap na batas, makikinabang dito ang mahihirap at middle class dahil ang buwis sa savings ay bababa sa 15% mula sa kasalukuyang 20%.

Facebook Comments