Sa interbyu sa DXDC RMN Davao kang Police Major Ma. Teresita Gaspan, Maa Police Station Commander, susihon sa WCPD sa ilang buhatan ang kahimtang sa batan-on kinsa giingong adunay special needs sa ilang gipuy-an sa Diversion Road ning syudad.
Gibutyag ni Gaspan, hatagan nila’g pagtagad ang insidente sa maong menor de edad ug subayon usab sa mga personahe ang kahimtang sa pamilya aron matunol ang gikinahanglan niini ilabina sa iyang kondisyon.
Nanawagan usab kini sa publiko nga dili pasakitan ang kabataan ilabi na kung adunay kini mga balatian.
Kahinumduman, sa viral post sa pasaherong si Jericho Purtolazo kinsa nakasaksi sa pagsumbag sa batan-on, nangayo kini’g tabang nga ma-locate ang drayber sa jeep kinsa maoy nagpanaog sa biktima ug sa lalaking nanumbag niini aron mahatagan kini’g hustisya sa dili makatarunganong tratamento.
RadyoMaN Aimee Guinita
