Indi madamo ang maapektuhan nga mga empleyado sang National Food Authority South Cotabato matapos nga aprobahan sang NFA council ang proposed restructuring plan sa ahensya tungod sa Rice Taritification Law.
Suno kay NFA Provincial Manager Jasmine Lintag ang maapektuhan lang man sang restructuring ang yara sa investigation and enforcement, regulatory function kag ang economist.
Samtang base sa kasugtana ibalhin lang man ang mga ini sa iban nga ahensya ukon ibutang sa iban nga posisyon kon magapadayon pa ang mga ini sa pagtrabaho, apang magahulat suno pa sila sa mangin pinal nga desisyon angot dire ukon kon ano ang mapirmahan ni Presidente Rodrigo Duterte.
Sa subong padayon suno pa ang ila nga trabaho tungod nagapabilin nga mataas ang moral sang mga empleyado sang NFA South Cotabato.
