General Santos City – Balhug na sulod sa selda sa Philippine Drug Enforcement Agency kon PDEA 12 ang Mayor sa Munisipyo sa Maasim Sarangani Province nga si Mayor Anecito Lopez Jr human nga kini misurender.
Nasayran nga unang gipahigayon ang raid sa tulo ka mga kabtangan sa Mayor sa Maasim apil na ang pinuy-anan niini sa Barangay Lumasal Maasim. Sa maong raid nakuha ang ubay ubay nga illegal nga mga butang.
Usa na niini ang usa (1) ka kilong gituohang shabu nga gibana banaang nagkantidad ug Lima (5) ka milyon ka pesos, mga himan sa laboratoryo, money trails, nagkadaiyang klase sa armas ug bala, ug mga drug paraphernalias sa mismong balay ni Mayor Lopez.
Si Mayor Lopez gibansagan nga leader sa El Patron Drug Group nga gasuporta matud pa sa grupong AKP ug NPA. Wala naaktuhan ang Mayor atol sa raid hinungdan nga gipatuman ang lock down sulod sa pipila ka oras, hangtud nga pasado alas dose kaganina, misurender na kini sa mga otoridad sa Gensan pinaage sa tabang ni Senador Manny Pacman Pacquiao..
