Mga pipila napud kabuwan ang milabay sa dihang mipadayag kining usa ka kompanya nga gitawag og Maxboat Marine Corp. nga mogama sila og usa ka waterbus system sa Cebu. Ug suma pa nga katambayayong sa Maxboat Marine Corp. ang Seals Group of Companies nga mao po’y modala sa operasyon sa maong waterbus.
Base sa mga comment sa mga netizens, daghan ang nalipay niining maong kalamboan kay suma pa sa mga tigbyahian padung o gikan sa habagatan ug amihanang bahin sa Cebu nga gusto nilang mas dali ug iwas trapiko ang ilang biyahe. Pipila ka reports ang nag-ingon nga kung hapit 4 ka oras ang biyahe padung sa lungsod sa Oslob sakay ang ordinaryong bus gikan South Bus Terminal, ang waterbus modala sa mga pashero gikan sa SRP padung sa maong lungsod sud lamang sa 1 ka oras ug 30 minutos. Bongga ang ma-save nga oras di ba?
Sa launching niini karong adlawa didto sa Danao City gipadayag sa CEO ug presidente sa Maxboat Marine Corp. nga si Barbara Salmero kinsa usa ka Naval Architech nga nakita niya nga ang waterbus mao ang usa sa mga solusyon sa trapiko sa Cebu.
Suma pa nga ang Water Bus 1 (kining naa sa hulagway) anaay kapasidad nga 70 ka tawo ug mobiyahian kini sa Cebu City paingon sa Oslob. Ug maggikan ang maong Water Bus 1 sa SRP nga dunggoanan niini. Target nila nga magsugod ang operasyon sa Hulyo 18.
Unsay inyong comment kabahin niini mga idol?
Hulagway gikan sa Superbalita Cebu official fb page.
