Ivisan, Capiz- Ginareklamo subong sang mga residente sa Brgy Mianay banwa sang Ivisan ang planta sang Vecs Poultry Processing Plant.
Ini ang bangud sa gina-dispose nga waste materials nga halin mismo sa nasambitan nga planta nga ginaula pakadto sa suba kun sa diin nagatuga sang mabaho nga hangin.
Sang ginpadulongan sang news team, ginpahayag sang isa sa mga residente nga ginalagbong gid lamang sa suba ang higko samtang kun kaisa ini ang ginaula sa bakante nga lote nga talamnan sang mais.
Apelar sang mga ini nga kuntani mahatagan sang atensyon ang ila reklamo bangud tuman ini ka delikado sa palibot kag sa ikaayong lawas sang mga residente.
Nahibaluan nga makapila na ka beses nila nga gindangop ang amo nga problema sa talatapan sang barangay apang padayon sa gihapon ang nasambitan nga hilimuon sang amo nga planta.
Suno sa impormasyon gikan sa mga residente, ang manager sang nasambitan nga planta ang bana ni Kapitan Victoria Gialen.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
