General Santos City—sikop sa operatiba sa City Drug Enforcement Unit (CDEU) sa pagpanguna ni Police Senior Inspector Brent Salazar ang usa ka mabdos nga asawa sa usa ka Purok official atol sa gihimong Buybust Operation sa Purok Pandian, barangay Labangal, Gensan.
Giila ang suspek nga si Norelyn Pandita Makabangen, 32, residenti sa samang Barangay.
Subay sa report sa CDEU nga orihinal nga target sa operasyon ang bana sa nasangpit nga si Mama Makabangen. Alas 4:30 ang takna kagahapong adlawa, usa ka CDEU Agent ang nakigtransaksyon kang Mama nga mupalit ug shabu.
Pag abot sa gisabutang lugar ang asawa maoy nihatod sa droga mao nga siya ang gidakop.
Narekober gikan sa posisyon sa suspek ang (2) ka sachet sa gituohang shabu ug marked money nga P1,000.00. ang nasangpit anaa na karon sa silda sa Police Station 2.
