General Santos City—ginahikay na sa buhatan sa City Drug Enforcement Unit (CDEU) ang pagpasang-at ug kaso batok ngadto sa mabdos nga asawa sa usa ka Purok Kagawad kansa una nang nasikop sa gilusad nga buybust Operation niadtong nakalabayng adlaw.
Una nang nadakpan si Norelyn Pandita Makabangen, nga taga Purok Pandian, Barangay Labangal human napalitan ug (2) ka pakete sa gikatahapang shabu ug marked money nga P1,000.00.
Sumala ni Police Sr. Inspector Brent Salazar, Hepe sa CDEU nga kasong kalapasan sa Sec. 5 ug Sec. 11 sa R.A 9165 ang ilang ipasang-at batok sa suspek.
Ilang paningkamutan nga karong adlawa, ila gyud mapasnag-at ang kaso batok sa ginang.
Nasayran nga target gyud unta sa maong operasyon ang bana niini nga usa ka Purok Kagawad nga si Mama Mangelen apan human nagsabot ang usa ka Agent sa CDEU ug sa suspek, ang asawa niini maoy niabot ug nitunol sa droga.
