Mabilog, gindepensahan sang iya kritiko sa isyu sang illegal nga droga

271
ILOILO CITY – Gindepensahan Councilor Plaridel Nava si Mayor Jed Patrick Mabilog sa isyu sang pag-angut liwat ni pangulong Podrigo Duterte sa alkalde sa illegal drug trade.          
            Sa interview sang RMN Iloilo, ginhatagan pagtamod ni Councilor Nava nga antis pa man nangin alkalde si Mayor Mabilog kag sa idalum sang mga nagliligad nga alkalde sang siyudad, yara na ang illegal nga druga sa siyudad kag matunog na ang ngalan sang mga kilala nga drug personalities sa siyudad sang Iloilo kaangay nanday ‘Dragon’, ‘Buang’, ‘Bondjing’ kag iban pa.
            “Ginahambal nakon nga-a si Mayor Mabilog lang ang pirme ginalawag? Because even Mayor Mabilog assumes sang opisina niya sang 2010 as Mayor, si Dragon is already Dragon, Bonjing is already Bonjing, si Buang is already Buang, si Apa is already Apa… in other words, ang illegal nga droga has been very prosperous and successful sa syudad sang Iloilo even before si Mayor Mabilog nangin alkalde sang 2010,” ang pahayag ni Councilor Nava sa interview sang RMN Iloilo sa programa RMN Palabra De Honor.
            Suno kay Nava, makatatlo ka beses naman nga naghiwat sang validation ang validating team kag gin-engganyo siya nga maghimo sang affidavit kontra kay Mabilog apang wala niya ginhimo bangud ginarespeto niya ang mandate sang pumuluyo sa alkalde.
            Magluwas diri, wala man siya sang may nakita nga maayo nga magabulos kon makasuhan gid man kag makakas si Mabilog sa puwesto.
            Nahibaluan nga naglas-ay ang pagtamdanay nanday Mabilog kag Nava sang nakaligad nga eleksyon kon sa diin nangin mabaskog nga kritiko sang alkalde ang konsehal.
 Tags: Visayas, Iloilo, DYRI, DYRI774, RMN Iloilo, Kasamang Magie

Facebook Comments