Liwat naman nga nalawagan ni presidente Rodrigo Duterte si anay Iloilo City Mayor Jed Patrick Mabilog.
Ini bangud ginatudlo siya sang presidente nga protektor sang illegal nga droga.
Suno kay Duterte , wala na nakapa-uli si Mabilog bangud patyon gid niya ini.
Ang pahayag ginhimo ni Duterte agud pamatud-an nga indi lang mga imol nga kriminal ang nagakapatay sa iya war on drugs.
Ginpahayag ni Duterte nga may mga manggaranon man nga napatay kag ini amo sanday Ozamiz City Mayor Reynaldo Parojinog kag Albuera, Leyte Mayor Rolando Espinosa nga gina-alegar involve sa illegal nga droga.
Nahibaluan nga “magtibay” ang ginsambit ni Duterte sa iya speech apisar si Mabilog ang iya ginatumod nga ginkumpirmar man sang malacanang.
Si Presidente Rodrigo Duterte sa iya pahayag.
Madumduman nga nagbiya sa pungsod si Mabilog agud magpabulong kag nagbiya man sa pungsod ang iya asawa kag mga anak sadtong September 2017 bangud sang pamahog sa ila seguridad.
Sadtong Oktubre 2017, gindismiss sa serbisyo si Mabilog bangud sang gina-alegar unexplained wealth.
