ILOILO City – Mahighlight ang syudad sang Iloilo bilang investment haven sa pagbisita sang British Chamber of Commerce Philippines (BCCP) para sa ila Iloilo Trade Mission sa March 8-9.
Suno kay BCCP Chairman Chris Nelson ginakabig nga economic hotspots ang mga major cities kaangay sang Clark sa Northern Luzon, Davao kag Cagayan de Oro sa Mindanao, kag Iloilo sa Visayas.
Imbitado si Mayor Jose Espinosa III nga mangin keynote speaker sa trade and investment forum sa Richmond hotel sa Marso 8.
Nagpahayag sang kalipay si Espinosa sa pagbisita sang mga investors kag magconduct sang forum kag magtan-aw sang posibilidad sang pagbukas sang negosyo sa syudad.
Ginsiling sang alkalde nga mangin kahigayunan ini nga mapakita sang Iloilo ang mahimo matanyag sang syudad kag makaganyat sang investments agud mapabaskog pa ang local economy.
